Shikayat

Na khwaab mere mera saath de rahe,
Na apno ne jo chaha wo kar paya,
Kaisi kashmakash hai uljhano ki ye,
Manjilo ka pata nhi bas raasto ki chahat hai....

Mujhe zindagi se bas thodi si shikayat hai...

Jo kabhi hamari nazar ban kar rahte the,
Aaj wo humse nazar mod lete hain,
Ab bhi poochhta hu dil se apne,
Kyu ab bhi uske ek baar palatne ki chahat hai...

Mujhe zindagi se bas thodi si shikayat hai...

Jab kabhi khusiyon ka aalam sa aaya,
Gam ka bazar har dafa beech me aaya,
Na jaane kya chahti hai zindagi,
Kyu mujhe pal pal khusiyon ki inayat hai...

Mujhe zindagi se bas thodi si shikayat hai...

Me bhi thoda ziddi hu koshish to karunga,
Jung zindagi se jeet ke rahunga,
Mutthi me aansoo bhar ke chala hu,
Shayad zindagi me koi gumsum si aahat hai...

Mujhe zindagi se fir bhi shikayat hai...