Haq

Haan... Mein galat tha jo maanta tha ki,
Teri aankhon me dekhne ka haq bass mujhko tha...
Tujhse lipat kar rone ka haq bass mujhko tha....
Tujhe batahaasha chaahne ka haq bass mujhko tha...
Tera intezaar karne ka haq bass mujhko tha....

Mein galat tha jo bass yahi sochta raha ki,
Tere nooraane chehre pe mar jaane ka haq bass mujhko tha....
Teri har hasi ki wajah ban jaane ks haq bass mujhko tha....
Tere chehre pe bikhri zulf ko sawaarne ka haq bass mujhko tha...
Teri saanse chheen lene ka haq bass mujhko tha....

Sabne bola tha toot jaunga magar mujhe yakeen tha ki,
Tere ishq pe yakeen rakhne ka haq mujhko tha...
Tu jab jaaye to rok lene ka haq mujhko tha...
Teri kisi baat pe rooth jaane ka haq mujhko tha....
Achchha bura jaisa bhi tha,  bass tera ho jaane ka haq mujhko tha....

Magar... Mein galat tha kyunki,
Mujhe tod diya tune, jo mujhe sambhaalne ka haq tujhko tha....
Uss safar me chhod diya, jahan saath chalne haq tujhko tha....
Ateet ho gaya tu, jo mustaqbil hone ka haq tujhko tha....
Nafrat leli meri, jo bass mohabbat paane ka haq tujhko tha....