Ishq-e-Dariyaa

Mein Dariya-numa sa khaab hoon,

Tu chaand sa noor hai....

Mein simtaa hua hoon khud me,

Tujh par zamaane ko guroor hai...

Tujhe chhup-chhup kar dekhta hoon,

Teri har muskarahat pe marta hoon...

Tera saath paane ki chaahat hai,

Bass tujhe kahne se darta hoon...

Waqt ruk jaata hai uss pal,

Jo ek nazar dikh jaata hai tu...

Meri chaahat ke maayne jaanta hai shaayad,

Isliye door hi ruk jaata hai tu...

Kabhi lagta hai kahdu khul kar tujhe,

Ki dil tujhe kabse pehchaanta hai...

Magar tujhe khone ka darr hai,

Kyunki, shaayad tu mujhe kuchh bhi na maanta hai...

Magar fir bhi ishq hai tujhse aye zindagi,

Tujhse ab chaahat kam na hoti hai...

Tera khaab ban jaane ki chaahat hai,

Jab tu kisi aur ke khaabon me khoti hai...