Musaafir.........

Me tujhme khuda ka nazrana dhundh leta hu,
Bahti hawao se unki raza poochh leta hu,
Jab kabhi manjilon ne thukraya mujhe,
Musaafir hun fir raaston se tera pata pooch leta hu......

Wo kuchh pal ki hi to baat thi,
Sach kahu to bahut khoobsurat wo shaam thi,
Par befikri me tum bhi the aur besharmi me hum bhi the,
Lahron ke saath kho gaye, hum dono musaafir ho gaye......

Sochta hu kisi din door tak saath chalte hain,
Haathon me lekar haath chalte hain,
Bas abki baar mujhe tanha na chhodna,
Chalo kaafiron ki basti ke paas chalte hain....

Anjaan ishq ka dil me toofan hai,
Sach ab bhi bas tu hi meri jaan hai,
Ek baar bharosa karo zindagi ke safar me mujhpe,
Kabhi saath na chhodunga, iss musaafir ka naam DAASTAN hai.....