kuchh to hai...

kuchh to hai jo tu mujhme aaj bhi thoda baaki hai...
kuchh to hai jo teri yaadein mujhe chhodna nahi chaahti...

haan,
 kuchh to hai jo dil ab bhi tere liye dhadakta hai...
 kucch hai baaki ab bhi jo dhadkane rukna nahi chaahti...

meri saanson me, mere khaabon me,
mere har lamhe me,
ab bhi kuchh baaki hai jo sirf tera hai...
kuchh to hai aisa jo ye aankhen tujhse ab aur dooriyan nahi chaahti....

kuchh to hai jo dil tootna chaahta hai,
bikharna chaahta hai, magar tujhe khona nahi chaahta....
kuchh hai ab bhi aisa jo mere jahen se teri tasveer nahi jaati....

jaane kyun aaj bhi tera haath pakad kar meelon chalna chaahta hu,
kuchh to hai aisa jo har safar tere bina adhoora sa lagta hai...
kuchh to hai jo meri koshishe koi mukammal anjaam nahi laati...

har baar sochta hai tu bhi ki ab nahi chahega mujhe,
kuchh to hai jo lakh mana karne par bhi tera paigam aajata hai...
haan kuchh hai baaki ab bhi jo har baar tere labon pe mera naam aajata hai...
aur kuchh hai aisa ab bhi jo tu mere siva kisi aur ki hona nahi chaahti...