tum kyu ho aise???

Ye jo tum har pal khwahishein badal dete ho,
Aur fir kabhi tum apna sharmana badal dete ho,
Jab bhi Sochta hu har adaa dekh li tumhari,
Tum Har baar mere muskurane ke mayne badal dete ho....

Jaane kitni dafa ruthna hota hai tumhara,

Aur fir maan jaate ho jaise kuchh na hua ho,

kabhi sochta hu ki chhod du tumko,

magar tum to iss takraar me bhi maza dhoondh lete ho....

Mujhe aksar tumhari chaahat samajh nahi aati,

tum khud me hi itna kashmakash me kyu rahte ho,

kabhi mujhe khud se door bhi itna kar dete ho,

aur kabhi meri befikri se dil apna jala lete ho....

waajib si nahi lagti ye nadaniyaan tumhari,

tumhe pata nahi kya ki tum mere alfazon me rahte ho,

meri likhi har kahaani ke mayne tumse hi to hain,

magar tum to mere har sher ke paimane badal dete ho...

haan tum hi to ho jo,

     Har baar mere muskurane ke mayne badal dete ho....