Izhaar

Unko humse mohabbat thi,
Unhone kabhi kaha hi nahi...
Humko bhi unse chahat  thi,
Humne khud ko suna hi nahi...

Unhe darr tha,
Kahin dosti pe fark na pad jaye...
Hume darr tha,
Kahin dil fir se naa bikhar jaye...

Fir na jaane aisa kaise hua,
Ek din achanak se sab kah diya...
Hum unke huye wo hamare huye,
Kuchh Mohabbat di humko, kuchh junoon de diya...

Humare ateet ki kahaani unhe achchhi nahi lagti,
Humare mustaqbil me har pal wo apna chahati hain...
Kuchh to hai unke chehare me aisa ki,
Nigahen humari har pal unhe dekhna chahati hain...

Kuchh iss qadar wo Ishq ka izhaar kar gaye,
Ki unke liye hum ek khuli kitaab ban gaye...
Zindagi me kuchh khaas ban kar aaye hain wo,
Meri zindagi ka akhiri ahbaab ban gaye...

Humne vaada kiya hai unse ki,
Ab bass unhi ke hokar rahenge...
Haan humko hai mohabbat beintehaan,
Ye ab se har roz sirf unse kahenge...

Izhaar kiya hai mohaabat ka humne,
Ab kisi aur ki zaroorat nahi hai...
Aitbaar kiya hai unpe humne,
Dil me ab kisi aur ki soorat nahi hai....