Be-garaz Ishq

Sach kahu to main tujhse apne liye koi ummeed nahi rakhta...

Bass tere har khwaab ko mukammal hota dekhna chahata hoon, 

Tere hothon pe ek muqtil muskarahat chahata hoon, 

Chahata hoon ki gam ka katra bhi koi tujh tak kabhi na pahunche, 

Tere mustaqbil me khushiyon ka jahan chahata hoon...

Haan main tujhse apne liye koi ummeed nahi rakhta....

Na maangta hoon ki mujhe ishq ke badle ishq mile, 

Na maangta hoon ki mujhe meri har uljhan me tera sang mile, 

Bass tere har raaste me tera saya ban kar chalna chahata hoon,

Par nahi chahata ki kisi wajah se tujhe zindagi berang mile...

Aaj bhi main tujhse apne liye koi ummeed nahi rakhta....

Mere ishq ko ab yu koi matlabi na bolega, 

Na mera dil kabhi tere sang jhoothi khwahishon ka rang gholega, 

Ye iktarfa ishq hai shayad tum na samjhoge, 

Daastan har dafa yuhi khaali panno pe dil ke alfazon ko kholega...

Magar Sach kahu to main tujhse apne liye koi ummeed nahi rakhta....