Adhoora Ishq......

haan mjhe pasand hai tera ishq...

haan mujhe pasand hai adhoora ishq...

achchha lagta hai teri zulfon ka chehre pe bikhar jaana,

yu tera ankhon-ankhon me sab kuch kah jaana....

meri galatiyon par tera wo mujhko daantna,

achchha lagta hai tera wo narazgi jataana....

haan mujhe pasand hai teri har adaa....

haan mujhe pasand hai adhoora ishq...

ab ye mat poochhna ki ishq adhoora kyu hai,

jabki ishq tum ko bhi hai ishq humko bhi hai...

kyun ki ab bhi baaki hain kisse apni kahaani me,

abhi bahut kuchh baaki hai apni zindagaani me...

haan mujhe pasand hai tere saath har pal...

haan mujhe pasand hai adhoora ishq...

achchha to wo bhi hai jo paagal kahti ho mujhse,

aur wo bhi jab rooth jaati ho mujhse...

fir maafi ke liye mera tere sazde me jhuk jaana,

achchha lagta hai mujhe apne ishq ka har bahaana...

haan mujhe pasand hai ye adhoori nazdikiyan...

haan mujhe pasand hai adhoora ishq... 

mukammal hoga ishq apna jab ise koi naam mil jaayega,

mere aagaz ko koi anjaam mil jaayega....

tab me bhi kah doonga nahi hai ishq adhoora,

achchha lagta hai uss lamhe ka intezaar poora...

haan mujhe pasand hai tujhe zindagi kahna...

haan mujhe pasand hai adhoora ishq...