Wajah......

Na jaane kuchh din se unka kahin mann nahi lagta tha...
Shayad kuchh hai jo unhe achchha nahi lagta tha....
Hum kya dua karte rab se ki thodi si inayat karde,
Hume unke chehre pe gam jayaz nahi lagta tha...

Fir bhi khamosh thi juban hamari ki wo kuchh to kahenge...
Ummeed nahi thi ki udaasi me iss kadar doobe rahenge...
Chalo ab hum unki muskarane ki wajah ban jaye,
Issi bahane hi sahi hum unki juban par hamesha rahenge...

Sochte the....................
Haan aaj bhi unki hasi hamari jaan le jaati hai...
Fir kyu na wo aaj kal khul kar has pati hai...
Chalo iss dafa unka suroor ban jaye,
Fir dekhenge ki muskarahat unse door kitna rah paati hai...

Fir ek din.................
Wo apna har gam humse baantne aagye...
Hamari baahon me aakar wo khul kar muskara gye...
Achchaa laga ki hum kuchh to hain unke liye,
Magar apni udaasi ki wajah na bata gye...

Fir hum jamane me iss baar dhoondh lete hain..
Kisi aur se unki udaasi ki wajah poochh lete hai...
Agar apko pata hai ki sach kya tha,
To hum aapse unki bikhri hasi ka pata poochh lete hain...