Aise kaise bhool jau....

Aise kaise nazar andaz kar doon wo waqt wo yaadein,
aise kaise bhool jaun tere paas hone ka aihasas,
teri saanson ki garmi , tere haathon ki narmi,
tera baat-baat pe naraz hona,
aur chhoti-chhoti baaton pe muskuraana,
aise kaise bhool jau tere mere ishq ka har bahaana...

wo kohre ki sair, chhoti ungli pakad kar chalna,
aankhon hi aankhon me jaise sab kuchh kah jaana,
tera roothna, fir maan jaana,
bin bole sab kuchh jaan jaana,
ek jhatke me mujhe baahon me bhar jaana,
aise kaise bhool jau tera thoda hatke ishq jataana...

mujhe khud ka na pata kis haal me hoon,
log aaj kal mujhse tera haal poochhte hain,
me jaanta hu tu taqleef me hai,
kyun ki mere saaye bhi mujhse aaj kal sawal poochhte hain,
haan teri har taqleef ki wajah khud ko maana,
aise kaise bhool jau shaam ke saath tera mujhme dhal jaana...


To Be Continued...

Aise kaise bhool jau...YOUTUBE