Mera Tazurba

Maine khaab bhi dekha hai,

Labon ki khaamoshi bhi dekhi hai...

Maine nazdikiyan bhi mahsoos ki hain,

Maine chaahaton ki rushwaiyan bhi dekhi hain..

Maine jab chaahton se door rahna seekh liya,

Maine zindagi ke har panne ko bas do labzon me sametna seekh liya,

Tab laut ke aane ki sudh aayi tumko,

Jab maine zindagi ke har zarre me tootna-bikharna aur fir se sambhalna seekh liya...

Maine mausam ke rukh ke saath badalna seekha hai,

kabhi ishq karta hu baarish ki boondo se,

kabhi toot jata hu patto ke saath...

kabhi kohre me kho jaata hu,

to kabhi baagon me thandak pata hu...

ye tazurba hai mera jo mene tere ishq me paya hai,

tere saath jeene ka khaab dekhte dekhte aaya hai...

 waise to naadaan hu main duniya ke kaaydon se,

magar ishq ka paintara to maine bakhubi ajmaaya hai...