Yakeen-(part-2)

Ishq apna kuchh alag tha saahib,

Na ishq me koi mulaakaat thi,
Bass wo chat waali baat thi...

Usne meri nazmon ko padha tha,
Aur wo dil haath me lekar khada tha...

Mere ateet ki wajah se bikhraa mera aaj tha,
mujhe khud se nafrat thi use iss baat se aitraaz tha...

Mere adaavat ke shahar me wo muhabbat dhundhne laga,
har raat wo mujhse mere hi raaz poochhne laga...

yakeen tha use ki mujhme ishq ab bhi baaki hai...

mujhe fir se ishq sikhaane wala ek bahut haseen sa saaki hai...

nazar se pilaata hai wo sharaab aisi, ki khud ko bhool jaata hoon,

Har raat jab khaab me ab uske betahaasha kareeb aata hoon...